छठका अवसरमा राष्ट्रपति भण्डारी सहभागी नहुने

काठमाडौं । राष्ट्रपति विद्यादेवी भण्डारी कोभिड–१९ को विश्वव्यापी महामारीका कारण यस वर्षको छठ पर्वका अवसरमा काठमाडौँका विभिन्न स्थानमा सरिक नहुने भएकी छन् ।

राष्ट्रपति भण्डारी विगत वर्षका काठमाडौंका गुहेश्वरी–गौरीघाट र कमलपोखरीमा सहभागी हुने गरेकी थिइन् । राष्ट्रपतिको कार्यालयका सहायक प्रवक्ता केशवप्रसाद घिमिरेले बिहीबार विज्ञप्ति जारी गरी भोलि मनाइने छठ पर्वका लागि राष्ट्रपति भण्डारी सहभागी नहुने जानकारी दिएका हुन् ।

राष्ट्रपति भण्डारी यस वर्षको बडादशैंका अवसरमा शक्तिपीठको दर्शन र भ्रमणमा पनि गएकी थिइनन् ।