काठमाडौं । सत्तारुढ नेपाल कम्युनिष्ट पार्टी (नेकपा)का महासचिव एवं अर्थमन्त्री विष्णु पौडेललाई बुटवलमा कालो झण्डा देखाइएको छ ।
बुटवलबाट पश्चिम सैनामैनातर्फ जाने क्रममा नेता पौडेललाई नेपाल विद्यार्थी संघ र तरुण दलका कार्यकर्ताले तिनाउ पुल नजिक नेपालगञ्ज रोडमा कालो झण्डा देखाएका हुन् ।
नेता पोडेल आफ्नो निर्वाचन क्षेत्र (रुपन्देही २) को सैनामैना मा.बि रानिबगिया र पर्रोहा मा.बि मुर्गियाको नव निर्मित भवनको उद्घाटन गर्न जाँदै थिए ।
प्रहरीले कालो झण्डा देखाउने प्रदर्शनकारीलाई तत्कालै सडकबाट हटाएपछि नेता पोडेल आफ्नो गन्तव्यतर्फ लागेका छन् । कालो झण्डा देखाउने कसैलाई पनि नियन्त्रणम नलिइएको प्रहरीले जनाएको छ ।
