काठमाडौं । बिस्तारै जाडो बढ्दैछ । यो मौसममा रुघाखोकीका साथै धेरैलाई पिनासले सताउने गर्दछ । पिनासले जाडो मौसममा दुःख दिने गर्दछ ।
पिनास हुनुका कारण
१) प्रदुषित वातावरण, गलत खानपान र अव्यवस्थित जिवनशैली
२) शारीरिक, मानसिक एवं भावनात्मक तनाव
३) ग्रन्थिको असन्तुलन
४) आवश्यकताभन्दा बढी खाना
५) दुध तथा दूधबाट बनेका परिकारको बढी सेवन
६) दाँतको संक्रमण, एलजीए, दादुरा, निमोनिया
७) अत्याधिक पौडी खेल्दा, शारीरिक तापक्रमको गडबढी
८) नाकमा समस्या, नाकको भित्री हाड टेडो हुँदा, स्वास फेर्न गा्रहो हुनु
पिनासको लक्षण
१) शुरुमा नाकबाट पानीजस्तो पातलो सिगाँन बग्नु, केहिपछि सिगाँन सेतो र पहेँलो हुनु ।
२) नाकाको बरपर गाला र निधारको प्वाल साईनस मा सिगाँन जम्मा हुनु
३) आँखा, टाउको, गाला दुख्नु
४) कुनै बस्तुको स्वाद र गन्ध ग्रहण गर्ने शक्तिमा ह्रास आउनु
५) टाउको दुख्नु, रिगंटा लाग्नु, कमजोरी महशुस हुनु
६) रुघाँ लागिरहनु, ज्वरो आउनु
७) नाकभित्र मासु पलाउन थाल्नु, नाकको दुवै प्वाल नै बन्द हुन जानु
८) नाकबाट स्वासप्रश्वासमा बाधा उत्पन्न भइ मुखको सहारा लिनु
पिनासको उपचार
१) आधुनिक चिकित्साविज्ञान एलोप्याथिक ले यसका लक्षणको उपचार गर्न सक्छ ।
२) रुघाँ लागे ज्वरो आए घरमै आराम गर्ने र चिकित्सकको परामर्शमा खानपान सुधार्ने
३) फ्रिजको पानी, बर्फ, आईसक्रिम, दहि, दुध कोल्ड ड्रिकं तथा चिसो खानेकुरा नखाने
४) चुरोटको धुवा, धुलोबाट बच्ने
५) रुघाँ लागेको भए छिनछिनमा नाक सफा गर्ने
६) नाक सफा गर्दा जोड गरेर बल नलगाउने
७) सन्तुलित भोजनको सेवन गर्ने
८) भिटामिन सीलाई अनिवार्य सेवन गर्ने
