थप ७ सय ७६ जनामा कोरोना संक्रमण पुष्टि, ६ जनाको मृत्यु

पछिल्लो २४ घण्टामा थप ७ सय ७६ जनामा कोरोना संक्रमण पुष्टि भएको छ । योसँगै नेपालमा जम्मा कोरोना संक्रमितको संख्या २ लाख ५१ हजार ६ सय ९२ पुगेको छ । यस्तै बितेको २४ घण्टामा ९ सय ४७ जनाले कोरोना जितेसँगै नेपालमा कोरोनामुक्त हुनेको संख्या २ लाख ४० हजार ३ सय ६३ पुगेको छ ।

यस्तै अब नेपालमा मात्र ९ हजार ५ सय ८० जना संक्रिय संक्रमित रहेका छन् । पछिल्लो २४ घण्टामा ६ जनाले कोरोनाका कारण ज्यान गुमाएसँगै नेपालमा कोरोनाका कारण मृत्यु हुनेको संख्या १ हजार ७ सय ४९ पुगेको छ ।

नेपालमा कोरोना निको हुने दर ९५.५ प्रतिशत रहेको छ ।

यसैबीच पछिल्लो २४ घण्टामा काठमाडौं उपत्यकामा ३६३ जना संक्रमत थपिएका छन् ।