थप ७ सय ४३ जनामा कोरोना संक्रमण पुष्टि, ५ जनाको मृत्यु

पछिल्लो २४ घण्टामा थप ७ सय ४३ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ५५ हजार ९ सय ७९ पुगेको छ ।

यस्तै बितेको २४ घण्टामा ९ सय ५२ जनाले कोरोना जितेसँगै नेपालमा कोरोना संक्रमणमुक्त हुनेको संख्या २ लाख ४६ हजार ६ सय ६१ पुगेको छ । हाल देशभर ७ हजार ५ सय १५ संक्रिय संक्रमित रहेका छन् ।

आज कोरोनाका कारण ५ जनाको मृत्यु भएसँगै नेपालमा कोरोनाका कारण ज्यान गुमाउनेको संख्या १ हजार ८ सय ३ पुगेको छ ।