थप ६ सय ५९ जनामा कोरोना संक्रमण पुष्टि, ७ को मृत्यु

पछिल्लो २४ घण्टामा थप ६ सय ५९ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको जम्मा संख्या २ लाख ५८ हजार ८ सय ४० पुगेको छ ।

यस्तै पछिल्लो २४ घण्टामा ७ सय १७ जनाले कोरोना जितेसँगै कोरोनामुक्त हुनेको संख्या २ लाख ५० हजार ५ सय ८१ पुगेको छ ।

अब नेपालमा ६ हजार ४ सय २७ मात्र संक्रिय संक्रमित रहेका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना भाइरस संक्रमणका कारण ७ जनाको मृत्यु भएको छ । हालसम्म मृत्यु हुनेको संख्या १८३२ पुगेको छ ।