थप ७ सय ८ जनामा कोरोना संक्रमण पुष्टि, ८ को मृत्यु

पछिल्लो २४ घण्टामा थप ७ सय ८ जनामा कोरोना संक्रमण पुष्टि भएको छ । योसँगै नेपालमा जम्मा संक्रमितको संख्या २ लाख ५९ हजार ५ सय ४८ पुगेको छ ।

यस्तै बितेको २४ घण्टामा थप ७ सय ३१ जनाले कोरोना जितेसँगै कोरोनामुक्त हुनेको संख्या २ लाख ५१ हजार ३ सय १२ पुगेको छ । हाल नेपालमा ६ हजार ३ सय ९६ मात्र संक्रिय संक्रमित रहेका छन् ।

पछिल्लो २४ घण्टामा थप ८ जनाले कोभिड–१९ को संक्रमणबाट ज्यान गुमाएका छन् । नेपालमा हालसम्म मृत्यु हुनेको संख्या १ हजार ८४० रहेको छ ।