थप ४ सय ३ जनामा कोरोना संक्रमण पुष्टि, ७ को मृत्यु

पछिल्लो २४ घण्टामा थप ४ सय ३ जनामा कोरोना संक्रमण पुष्टि भएको छ । योसँगै नेपालमा जम्मा कोरोना संक्रमितको संख्या २ लाख ६२ हजार २ सय ६२ पुगेको छ ।

यस्तै पछिल्लो २४ घण्टामा ५ सय ९४ जनाले कोरोना जितेसँगै नेपालमा कोरोनामुक्त हुनेको संख्या २ लाख ५५ हजार ८८ पुगेको छ । अब देशभर ५ हजार २ सय ८९ मात्र संक्रिय संक्रमित रहेका छन् ।

यसैबिच पछिल्लो २४ घण्टामा ७ जनाले ज्यान गुमाएसँगै नेपालमा कोरोनाबाट मृत्यु हुनेको संख्या १ हजार ८ सय ८५ पुगेको छ ।