थप ५७ जनामा कोरोना संक्रमण पुष्टि

पछिल्लो २४ घण्टामा थप ५७ जनामा कोरोना संक्रमण पुष्टि भएको छ । योसँगै नेपालमा जम्मा कोरोना संक्रमितको संख्या २ लाख ७२ हजार ६ सय १४ पुगेको छ ।

यस्तै पछिल्लो २४ घण्टामा १ सय ३३ जनाले कोरोना जितेसँगै नेपालमा कोरोनामुक्त हुनेको संख्या २ लाख ६८ हजार ९ सय २९ पुगेको छ । अब नेपालमा मात्र १ हजार ६ सय ३१ सक्रिय संक्रमित रहेका छन् ।

स्वास्थ्य तथा जनसंख्या मन्त्रालय अनुसार बितेको २४ घण्टामा कोरोनाका कारण कसैले पनि ज्यान गुमाएका छैनन् । हिजोसम्मको तथ्यांक हेर्दा नेपालमा कोरोनाका कारण मृत्यु हुनेको संख्या २ हजार ५४ रहेको छ ।