गृहमन्त्री थापाले लगाए कोरोनाविरुद्धको खोप

काठमाडौं । गृहमन्त्री रामबहादुर थापा ‘बादल’ले आइतबार कोरोनाभाइरस विरुद्धको खोप लगाएका छन् । गृहमन्त्रीले बलम्बुस्थित सशस्त्र प्रहरी अस्पतालमा पुुुगेर कोरोनाविरुद्धको कोभिशिल्ड लगाएका हुन् ।

सरकारले आइतबारदेखि नै दोस्रो चरणको खोप अभियानअन्तर्गत ६५ वर्षमाथिका ज्येष्ठ नागरिकलाई खोप सञ्चालन समेत गरेको छ । यो अभियानमा करीब १६ लाख ज्येष्ठ नागरिकलाई खोप प्रदान गर्ने लक्ष्य रहेको बताइएको छ ।