थप ५३ जनामा कोरोना संक्रमण पुष्टि

पछिल्लो २४ घण्टामा थप ५३ जनामा कोरोना संक्रमण पुष्टि भएको छ । योसँगै नेपालमा जम्मा कोरोना संक्रमितको संख्या २ लाख ७५ हजार २३१ पुगेको छ ।

यस्तै पछिल्लो २४ घण्टामा थप ७७ जनाले कोरोना जितेसँगै नेपालमा कोरोनामुक्त हुनेको संख्या २ लाख ७१ हजार ३२६ पुगेको छ ।

पछिल्लो २४ घण्टाको अवधिमा कुनै पनि कोरोना संक्रमितको मृत्यु नभएको मन्त्रालयले जनाएको छ । हालसम्म नेपालमा कोरोना संक्रमणले ज्यान गुमाउनेको संख्या ३ हजार १४ रहेको छ ।

देशभर हाल ९११ सक्रिय संक्रमित रहेका छन्।