थप ५ हजार ७ सय ६३ जनामा कोरोना संक्रमण पुष्टि, १९ को मृत्यु

पछिल्लो २४ घण्टामा थप ५ हजार ७ सय ६३ जनामा कोरोना संक्रमण पुष्टि भएको छ । योसँगै नेपालमा जम्मा कोरोना संक्रमितको संख्या ३ लाख २८ हजार ८ सय ९३ पुगेको छ ।

स्वास्थ्य तथा जनसंख्या मन्त्रालय अनुसार बितेको २४ घण्टामा थप १ हजार २८७ जना निको भएसँगै हालसम्म कोरोना संक्रमणमुक्त हुनेको संख्या २ लाख ८२ हजार ३८२ जना पुगेको छ ।

हाल नेपालमा ४३ हजार २१३ जना सक्रिय संक्रमित छन् ।

पछिल्लो २४ घण्टामा थपिएका संक्रमितमध्ये २ हजार ४९५ जना काठमाडौं उपत्यकाका छन् । यस्तै पछिल्लो २४ घण्टामा १९ जनाको कोरोनाका कारण निधन भएको छ ।