थप २४७६ जनामा संक्रमण पुष्टि, २७ को मृत्यु, ५४५५ जनाले जिते कोरोना

पछिल्लो २४ घण्टामा थप २ हजार ४७६ जनामा कोरोना संक्रमण पुष्टि भएको छ । यही अवधिमा थप ५ हजार ४५५ जना संक्रमणमुक्त भएका छन् भने थप २७ जनाले कोभिड–१९ को संक्रमणबाट ज्यान गुमाएका छन् ।

१४ हजार ३५१ जनाको परीक्षण गर्दा पीसीआर विधिबाट १७२१ र एन्टिजेन विधिबाट ७५५ जनामा कोरोनाभाइरसको संक्रमण पुष्टि भएको हो ।

नेपालमा हाल कोरोनाका सक्रिय संक्रमितको संख्या ४५ हजार ७९४ रहेको छ ।