काठमाडौं । नेकपा एमाले पोलिटब्यूरो सदस्य तथा सचेतक शान्ता चौधरीले सामाजिक संजाल मार्फत नेपाली काँग्रेसका संघीय सांसद गगन कुमार थापालाई चारपाटा मोडेर थानकोट कटाउन व्याख्यात्मक टिप्पणी गर्दै फेसबुक पोष्ट गरेकी छिन् ।
एमालेको प्रभावशाली नेताको रुपमा स्थापित चौधरी प्रवासी नेपाली मञ्च अमेरिकाको आसन्न निर्वाचनका लागि अहिले उतै छन् । उनले दुई घण्टा अगाडि अमेरिकाबाटै पोष्ट गरेको स्टाटस्मा करिव दुई हजारले रियाक्ट गरेका छन् भने करिव चार सयले कमेन्ट गरेका छन् ।
सांसद गगन थापाले एमसीसी पास गर्दा संघीय संसदको रोष्टममा उभिएर एमसीसी पास गर्दा अमेरिकी सेना आयो भने आफूलाई चारपाटा मोडेर आफ्नो व्यक्तिगत सम्पत्ति जफत गरी थानकोट कटाउनु भनेका थिए ।
संघीय संसदबाट एमसीसी पास भएसँगै अमेरिकी राजनीतिक तथा सैनिक नेतृत्वको बाक्लो भ्रमण भएको, एमसीसी पास भएको हप्ता नबित्दै अमेरिकी सेनासहितको जहाज काठमाडौं अवतरण गरेको र गत हप्ता अमेरिकी सेनाको प्यासिफिक कमान्डिङ जेनरल चार्ल्स ए फ्लिनले नेपाल आई प्रधानमन्त्री शेर बहादुर देउवाको आसन्न अमेरिका भ्रमणमा सैन्य रणनीति सम्बन्धी साझेदारीमा हस्ताक्षर गर्ने एजेण्डा चर्चामा आएसँगै असंलग्न पराराष्ट्र नीति अंगालेको नेपाललाई द्वन्दको भूमरीमा पुर्याउन लागेको भन्दै सत्ता पक्षीय माओवादी नेता र प्रतिपक्षी एमाले सांसदहरुले चर्काे विरोध गर्दै आइरहेका छन् ।
एमाले नेतृ शान्ता चौधरीको फेसबुक स्टाटस् :
