काठमाडौं । नेकपा माओवादी केन्द्रका अध्यक्ष प्रचण्डले शताब्दी पुरूष सत्यमोहन जोशीको निधनले स्तब्ध बनाएको बताएका छन्।
जोशीको आज बिहान १०३ वर्षको उमेरमा निधन भएको थियो । उनी विगत २४ दिनदेखि किष्ट अस्पतालमा उपचाररत थिए ।
प्रचण्डले आज विज्ञप्ति जारी गर्दै जोशीको निधनले स्तब्ध बनाएको बताएका हुन् ।
उनले नेपाली कला, साहित्य र भाषा संस्कृतिलाई नेपाल र विश्वभर चिनाई स्थापित गर्न जोशीले गरेको योगदान उत्प्रेरणाको स्रोत बनेर रहने बताए।
‘नेपाल सरकार र नेपाली जनताले उहाँको योगदान र क्रियाशीलताको सदा उच्च सम्मान गरिरहनेछन् भन्ने मैले विश्वास लिएको छु,’ प्रचण्डले विज्ञप्ति मार्फत भनेका छन्।
