काठमाडौं । नेकपा एमालेबाट काठमाडौं क्षेत्र नं. २ का प्रतिनिधि सभा सदस्य उम्मेदवार डा. राजन भट्टराई र ४(२) प्रदेश सभा सदस्यका उम्मेदवार जयराम थापालाई बूढानीलकण्ठ नगरपालिका वडा नं. २ का मतदाताले न्यानो स्वागत र माया दर्शाउँदै जितको अग्रिम शुभकामना व्यक्त गरेका छन् ।
घरदैलोका क्रममा उम्मेदवारहरुलाई आफ्नै घर आँगनमा पाउँदा स्थानीयहरुले निकै हर्षित भएका थिए । उम्मेद्वार, झण्डा र चुनाव चिन्ह सहित घरदैलोमा पुगेका स्थानीय नेता तथा कार्यकर्ताहरुले मतदाता सामु सूर्य चिन्हमा मतदान गरी नेकपा एमालेलाई अत्याधिक बहुमले विजयी गराउन आग्रह गरेका छन् भने उम्मेदवारद्वय डा. राजन भट्टराई र जयराम थापाले आफ्ना चुनावी एजेण्डा र भावी योजना मतदातासामु राखेका थिए ।
नेकपा एमाले सरकारको पालामा थुप्रै विकासका काम भएको स्मरण गराउँदै पुनः एमालेकै स्थायी सरकार बनाउनका निम्ति सूर्य चिन्हमा मतदान गर्न मतदातालाइ अनुरोध गरिरहेका उम्मेद्वारहर जनताको साथ, शुभेच्छा र मायाले उत्साहित देखिन्थे ।
फोटोमा बूनपा २ को घरदैलो :
