प्रधानमन्त्री दाहाल र माधव नेपालबीच भेट

काठमाडौं । प्रधानमन्त्री तथा नेकपा (माओवादी केन्द्र) अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का अध्यक्ष माधवकुमार नेपालबीच भेटवार्ता भएको छ ।

दुई नेताबीच बुधबार ललितपुरको हात्तीवनस्थित एक घरमा भेटवार्ता भएको नेताहरूको सचिवालयले जनाएका छन् । भेटमा समसामयिक विषयमा छलफल भएको बताइएको छ ।

नेकपा (एमाले)–माओवादीसहितको गठबन्धनका नेताहरू नेपाललाई सरकारमा सहभागी गराउन लागिपरेका छन् । मंगलबार साँझ अर्थमन्त्री विष्णु पौडेलले नेपाललाई सरकारमा आउन आग्रह गरेका थिए ।