अनेरास्ववियुको नयाँ नेतृत्व छान्न भोलि निर्वाचन हुने

काठमाडौं । नेकपा एमालेनिकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नेतृत्व छान्नका लागि निर्वाचन हुने भएको छ ।

नेतृत्व चयनका लागि बिहीबार (भोलि)निर्वाचन हुने अध्यक्ष मण्डलका सदस्य खिमलाल भट्टराईले जानकारी दिए ।

उनले भने, “चुनावका लागि निर्वाचन आयोगलाई जिम्मा लगाइसकेका छौँ । उमेदवारी फिर्ताका लागि डेढ घण्टाको समय रहन्छ । उहाँहरुबीच नै सहमति भएर फिर्ता भए मात्रै हो । नभए चुनाव हुन्छ” ।

उनकाअनुसार बिहान ८ बजेबाट मतदान हुनेछ । आज मनोनयन दर्ता गरिने निर्वाचन कार्यतालिका छ । महाधिवेशनले १९९ सदस्यीय केन्द्रीय कमिटी छान्नेछ ।