कैलाली । सुदूरपश्चिम प्रदेशका मुख्यमन्त्री कमलबहादुर शाहले कांग्रेस नेता प्रकाशमान सिंहसँग भेटवार्ता गरेका छन् । बुधबार बिहान चाक्सीवारी पुगेर मुख्यमन्त्री शाहले सिंहलाई भेटेका हुन् ।
मुख्यमन्त्री शाहले सुदूरपश्चिम प्रदेशको वर्तमान अवस्थाबारे नेता सिंहलाई जानकारी गराएका थिए । उनले विश्वासको मतबारे विभिन्न दलहरूसँग छलफल गरिरहेको समेत नेता सिंहलाई जानकारी गराएको बताइएको छ ।
पुस २७ मा मुख्यमन्त्री नियुक्त भएका एमाले संसदीय दलका नेता राजेन्द्रसिंह रावलले विश्वासको मत लिन नसकेपछि कांग्रेस संसदीय दलका नेता शाह माघ २६ मा मुख्यमन्त्रीमा नियुक्त भएका थिए । उनले पनि अहिले सम्म विश्वासको मत लिएका छैनन् ।
