आयोजक ग्रिनफिल्ड नेसनल स्कुलले दसौं ग्रिनफिल्ड कप अन्तरविद्यालय बास्केटबल प्रतियोगिताको सिनियर ब्वाइजमा शनिबार विजयी सुरुआत गरेको छ ।
बाफलस्थित घरेलु कोर्टमा ग्रिनफिल्डले काठमाडौं भ्याली, छाउनीलाई ३२–१३ ले पराजित ग¥यो । ग्रिनफिल्डका अर्जुन बस्नेतले १४ अंक जोडे । सो स्पर्धामा ग्रिनल्यानडले ओरेकललाई ५५–१७, बिग बुद्धले दिब्यज्ञानलाई १६–१३ र नेरिकले स्वर्णिमलाई २९–१९ ले हराए ।
जुनियर ब्वाइजमा एन्जल्स हार्टले श्री नवीन ज्योतिलाई ३१–५, पिपुल्स एकेडेमीले ओरेकललाई १३–३ र किङडम हिमालयले काठमाडौं भ्याली, छाउनीलाई २४–४ ले पन्छाए ।
सिनियर गल्र्समा काठमाडौं भ्याली, छाउनीले एन्जल्स हार्टलाई ९–८ तथा भ्याली पब्लिकले स्वर्णिमलाई २८–१० ले पाखा लगाए ।
प्रतियोगिताको नागर्जुन नगरपालिकाका मेयर मोहनबहादुर बस्नेतले निर्णायकलाई एक कार्यक्रमबीच बल हस्तान्तरण गरी उद्घाटन गरे । प्रतियोगिताको सिनियर ब्वाइजमा ३२ तथा सिनियर गल्र्स र जुनियर ब्वाइजमा समान २४–२४ टिम सहभागी छन् । फाइनल भदौ ९ गते हुनेछ ।
