श्रीपिङ्गला डोजाङ्गको आयोजनामा सम्पन्न भएको चौथो तेक्वान्दो प्रतियोेगितामा रिभेरा इन्टरनेश्नल एकेडेमी स्कुलले ५ स्वर्ण, ३ रजत र २ कास्य पदक हासिल गरी टिम प्रथम भएको छ ।
त्यसै गरी सम्भाबी स्कुल टिमले ४ स्वर्ण, १ रजत र ७ कास्य पदक हासिल गरी टिम दोश्रो भएको र टेक्सास इन्टरनेश्नल स्कुलले ३ स्वर्ण, ३ र ८ कास्य गरी टिम तेश्रो भएको छ ।
नेपाल एभेरेष्ट मन्टेश्वरी स्कुलले अनुशासित ट्रफी अवर्ड पाएको । कार्यक्रमको प्रमुख अतिथि काठमाडांै महानगरपालिका वडा ९ का अध्यक्ष रामजी भण्डारी, विशेष अतिथि कामपा ८ वडा अध्यक्ष आशामान संगत, वडा ९ का सदस्य टेकराज अधिकारी, काठमाडौं जिल्ला तेक्वान्दो संघका अध्यक्ष विक्रम खड्गी र समाज सेवी पूर्व प्रदेश सांसद् नरोत्तम वैद्यलागयतको उपस्थिति रहेको कार्यक्रम संयोजक सुरेन्द्र डंगोलले बताए ।
प्रतियोगितामा कुल १४ स्कुल तथा डोजाङ्गका २५० खेलाडीको सहभागिता रहेको आयोेजक समितिका सचिव समिर दाहालले जानकारी दिए ।
कार्यक्रममा काठमाडौं जिल्ला तेक्वान्दो संघका नवनिर्वाचित पदाधिकारी तथा सदस्य र तेक्वान्दो खेलमा योेगदान दिने प्रशिक्षक तथा खेलाडीहरुलाई सम्मान गरेको संयोजक सुरेन्द्र डंगोलले बताए ।
