काठमाडौं । राष्ट्रिय खेलकुद परिषद् (राखेप) का सदस्य–सचिव टंकलाल घिसिङ आइतबार श्रीलंका प्रस्थान गरेका छन् । एसिया कपमा सहभागी नेपाली क्रिकेट टोलीको हौसला बढाउन सदस्य–सचिव घिसिङ श्रीलंका प्रस्थान गरेका हुन् । एसिया कपको समूह चरणको आफ्नो दोश्रो खेलमा नेपालले सोमबार भारतसंग खेल्दै छ ।
सदस्य–सचिव घिसिङसंगै राखेपका सदस्य लेखबहादुर (एलबी) क्षेत्री पनि श्रीलंका प्रस्थान गरेका छन् । सदस्य–सचिव घिसिङलाई राखेपका निमित्त सदस्य–सचिव अञ्जन धमला, प्रशासन विभागका प्रमुख प्रेमबहादुर मल्ल, खेलकुद विकास विभागका प्रमुख मिनकुमार शर्मा र संघ संस्था समन्वय शाखकका प्रमुख चन्द्रकुमार राईले त्रिभूवन अन्तर्राष्ट्रिय विमानस्थलमा बिदाइ गरे ।
