काठमाडौं । ललितपुर महानगरपालिका मेयर कप अन्तरवडा रात्रिकालिन टेबलटेनिस प्रतियोगिताको भेट्रान्स ५० वर्षमाथि पुरुष सिंगल्समा राजेन्द्र कपालीले स्वर्ण जितेका छन् ।
कपालीले फाइनलमा सुरेश वज्राचार्यलाई १२–१०, ११–६ र ११–५ को सोझो सेटमा पराजित गरे । प्रकाश धाक्वा र निशान प्रधान संयुक्त रुपमा तेश्रो भए ।
ललितपुर जिल्ला टेवल टेनिस संघ, खोल्चा पुखु खेलकुद उप समिति र खोल्चा पोखरी टोल सुधार समितिको संयुक्त आयोजनामा भएको प्रतियोगिताका खेलहरु वडा तल्लो चाकुपाट खोल्चा पोखरी टोलमा संञ्चालन भइरहेको छ ।
कुल ३ लाख ५० हजार रुपैयाँ पुरस्कार राशि भएको प्रतियोगिता सञ्चालनका लागि २५ लाख रुपैयाँ खर्च हुने आयोजकले जनाएको छ ।
