एन्जल्स हार्ट र हिमरश्मीलाई उपाधि

काठमाडौं । एन्जल्स हार्ट र हिमरश्मीले दोश्रो तार्केश्वर मेयर रनिङ शिल्ड खेलकुद प्रतियोगिताअन्तर्गत बास्केटबलको उपाधि बिहीबार जितेका छन् । एन्जल्स हार्ट जुनियर ब्वाइज तथा हिमरश्मी गल्र्समा च्याम्पियन बने ।

जुनियर ब्वाइज फाइनलमा एन्जल्स हार्टले लालीगुराँस नेसनल एकेडेमीलाई २४–१९ ले पराजित ग¥यो । एन्जल्स हार्टका रुपेश पौडेलले १५ अंक जोडे ।

सिनियर गल्र्सको उपाधि भिडन्तमा हिमरश्मीले ल्यान्डमार्कलाई २०–१८ ले हरायो । हिमरश्मीकी सुनिशा मिश्रले ७ स्कोर गरिन् । विजेतालाई तार्केश्वर नगरपालिकाका मेयर कृष्णहरि महर्जनलगायतले एक कार्यक्रमबीच पुरस्कृत गरे । जुनियर ब्वाइजमा १० तथा सिनियर गल्र्समा १२ टिमले लिग कम नकआउट आधारमा प्रतिस्पर्धा गरेका थिए ।

भलिबल :
हिमरश्मी र नेपाल राष्ट्रिय मावि दोश्रो तार्केश्वर मेयर रनिङ शिल्ड खेलकुद प्रतियोगिताको भलिबलतर्फ ब्वाइजमा बिहीबार फाइनलमा प्रवेश गरेका छन् । कालीदेवी मावि तेश्रो भयो ।

मनमैजुस्थित एन्जल्स स्पोर्ट्स एकेडेमी भइरहेको प्रतियोगिताको गल्र्समा एन्जल्स हार्ट र मानसिंह धर्म मावि उपाधिका लागि भिड्ने भएका छन् । लालीगुराँस नेसनल एकेडेमीले तेश्रो स्थान हात पा¥यो ।