गोल्डेनगेटको जित

गोल्डेनगेटले दोश्रो नखिपोट पुरुष खुला तथा महिला यु–२३ बास्केटबल प्रतियोगिताको पुरुषमा आइतबार जित हात पारेको छ ।
नखिपोट युवा क्लबको आयोजनामा भइरहेको प्रतियोगितामा गोल्डेनगेटले ओइभीएस हाउन्ड्सलाई ९४–८८ ले पराजित ग¥यो । गोल्डेनगेटका आशिष सिङडेनले २२ स्कोर गरे ।

पुरुषमै टाइम आउट नेपाल र टाइम्सले पनि सफलता पाए । टाइमआउटले स्नोल्यान्ड स्पोर्ट्सलाई ८२–५७ ले हरायो । टाइम आउटको जितमा जेसाङ सुनुवारले १८ अंक योगदान गरे । मविन्द्र भण्डारीको २३ अंक सहयोगमा टाइम्सले आयोजक नखिपोटलाई ९४–७३ ले पन्छायो ।