सिद्धार्थ र संजीतलाई अमेरिकामा स्वर्ण

ब्याटल अफ द ड्रागन्स च्याम्पियनसिपमा उमा कुङ फुका सिद्धार्थ लामा तामाङ र संजीतकुमार राईले स्वर्ण जितेका छन् ।

अमेरिकाको न्यु जर्सीमा भएको प्रतियोगितामा सिद्धार्थले कुङ फु ताइचीमा ९.१ अंक जोड्दै स्वर्ण जितेका हुन् । उनले कुङ फु वेपनमा भने रजत हात पारे ।

उक्त स्पर्धामा सिद्धार्थले ८.७ अंक जोडे । संजीतले कुङ फु क्रिएटिभ फर्ममा स्वर्ण चुमे । उनले ८.९ अंक जोडे ।