होप्सको दुवै टोली फाइनलमा

होप्स एकेडेमीको ‘ए’ र ‘बी’ दुवै टोली छैटौं सम्झना कप अन्तर्राष्ट्रिय टेबलटेनिस प्रतियोगिताको पुरुष टिम इभेन्टमा बुधबार फाइनलमा प्रवेश गरेका छन् । सेमिफाइनलमा दुवैले विभागीय टोलीलाई पराजित गरे ।

लैनचौरस्थित राष्ट्रिय टेबलटेनिस प्रशिक्षण केन्द्रमा भएको सेमिफाइनलमा होप्स ‘ए’ ले नेपाल एपीएफ क्लबलाई ३–१ तथा होप्स ‘बी’ ले नेपाल प्रहरी क्लबलाई ३–२ ले पराजित गरे ।

सम्झना ल्याबोरेटरी क्लिनिकको मुख्य प्रायोजन तथा कन्सेप्ट मेकर्जको व्यवस्थापनमा ललितपुर टेबलटेनिस क्लबद्वारा आयोजित प्रतियोगिताको महिला टिम इभेन्टमा पनि होप्स फाइनलमा पुग्न सफल भयो । होप्सले प्रहरीलाई ३–१ ले पाखा लगाउदै चीनको लान्फेङ टेबलटेनिस क्लबसंग फाइनल भेट पक्का ग¥यो । अर्को सेमिफाइनलमा लान्फेङले स्ट्याग च्याम्पियन्स टेबलटेनिस एकेडेमीलाई ३–० ले पन्छायो । पुरुष/महिला सिंगल्समा दोश्रो चरणको खेल सम्पन्न भएको आयोजकले जनाएको छ ।