आज मिति २०८० साल माघ २८ गते आईतबारको दिन तेक्वान्दो एकेडेमी हल सातदोबाटो स्थित नेपाल तेक्वान्दो संघले पत्रकार सम्मेलन आयोजना गरी आगामी मिति २०८० साल फागुण १ देखि पाँच दिनसम्म राष्ट्रिय स्तरको “प्रथम विद्यालय स्तरीय राष्ट्रिय तेक्वान्दो प्रतियोगिता—२०८० आयोजना गर्न गईरहेको कुरा जानकारी गराएको छ ।
संघका उपाध्यक्ष भान बहादुर चन्दले विद्यार्थी खेलाडीहरूको खेल स्तर वृद्धि गर्न र विद्यालय स्तरबाटै उदीयमान खेलाडीहरूको पहिचान गर्ने र अवसर प्रदान गर्ने उद्धेश्यले नेपाल तेक्वान्दो संघले यस अघि विद्यालयहरूमा तेक्वान्दो प्रशिक्षणरत् विद्यार्थी खेलाडीहरुका लागि अन्तर विद्यालय प्रतियोगिताहरूको आयोजना गर्दै आईरहेको कुरा समेत जानकारी गराए ।
मिति २०८० साल फागुण १ गते मंगलबारका दिन औपचारिक उद्घाटन गरिने उल्लेखित प्रतियोगितामा ५८९ पुरुष खेलाडी र ३४७ महिला गरी जम्मा ९३६ जना खेलाडीहरुको सहभागिता रहने जसमा पुम्से विधा तर्पm ३० वटा र ग्यरोगीतर्पm ३८ गरी जम्मा ६८ वटा स्वर्ण पदकका लागि प्रतिस्पर्धा हुने छ ।
प्रतियोगिताको व्यवस्थित र सफल आयोजनाका लागि नेपाल तेक्वान्दो संघका उपाध्यक्ष तथा प्रतियोगिता आयोजना समितिका अध्यक्ष भानबहादुर चन्दले आफ्नो संयोजकत्वमा २५ सदस्यीय आयोजक समिति गठन गरिएको जसमा ३ वटा उपसमितिहरु रहेको र प्रतियोगिता सञ्चालन गर्न २५ जना निर्णायक ५ जना प्राविधिक र १० जना स्वयम्सेवकहरुको परिचालन गरिने कुरा जानकारी गराए ।
प्रतियोगिता आयोजनामा संघको कुल लागत खर्च करिब १५ लाख अनुमानित गरिएको र यसका लागि राष्ट्रिय खेलकुद परिषद्बाट पनि सहयोगको अपेक्षा गरिएको कुरा चन्दले बताए ।
