कबड्डी निर्णायक टोली इरानतर्फ



अन्तर्राष्ट्रिय रेफ्री/टेक्निकल अफिसियल कोर्समा सहभागी हुन ३ सदस्यीय कबड्डी निर्णायक टोली आइतबार इरानको तेहरान प्रस्थान गरेको छ ।

फेब्रुअरी १२ देखि १६ तारिखसम्म हुने कोर्सको पुरुषमा कञ्चन्पुरका रमेशचन्द्र ओझा र सुनसरीका तरुण यादव तथा महिलामा झापाकी रेश्माकुमारी राजवंशी सहभागी हुने छन् । खुला छनोट विधिबाट उत्कृष्ट निर्णायक छनोट गरी कोर्समा सहभागी गराइएको अखिल नेपाल कबड्डी संघका महासचिव अरविन्दकुमार झाले जनाएका छन् ।

टोलीलाई राष्ट्रिय खेलकुद परिषद्का सदस्य प्रकाशकुमार कुसारी, अखिल नेपाल कबड्डी संघकी अध्यक्ष तुल्सी थापालगायतले आइतबारै एक कार्यक्रमबीच बिदाइ गरे ।

प्रतिक्रिया दिनुहोस्