काठमाडौं । नेपाल ए ले क्यानडा–११ लाई १८२ रनको लक्ष्य दिएको छ । टस हारेर पहिला ब्याटिङ गरेको नेपाल ४७ ओभरमा अलआउट हुँदै १८१ रन बनाएको हो ।
नेपाल ए का लागि आशुतोष घिरैयाले सर्वाधिक २८ रन बनाए भने अर्जुन कुमालले २७, बशीर अहमदले २५, कप्तान सन्दीप जोराले २४, सुजन थपलियाले २०, रशिद खान र प्रतिशत जिसीले १९–१९ रन बनाएका थिए ।
क्यानडा–११ का बलर निकोलस किर्तोन, डिलोन हेयलिगेर र हर्ष थाकरले २–२ विकेट लिएका थिए ।
३ खेलको सिरिजमा १–१ को बराबरी रहेकाले यो खेल जित्नेले सिरिज जित्ने अवस्था रहेको छ ।
