काँग्रेसमाथि प्रधानमन्त्री प्रचण्डको आक्रोश : तपाईंहरूको गतिविधिको मूल्य चर्को पर्ने छ

काठमाडौं । प्रधानमन्त्री पुष्पकमल दाहाल प्रचण्डले प्रमुख प्रतिपक्षी नेपाली काँग्रेसमाथि आक्रोश पोखेका छन् ।

गत वैशाख ३१ गतेकै निर्णयअनुसार सोमबार विश्वासको मतका लागि डाकिएको प्रतिनिधि सभाको बैठकमा अवरोध गरेपछि प्रधानमन्त्री प्रचण्डले कांग्रेससँग आक्रोश पोखेका हुन् ।

‘कांग्रेसले आज बहुतै गलत गर्‍यो । जुन प्रधानमन्त्रीले पटक पटक साथ दियो, जुन प्रधानमन्त्रीले तपाईंहरूलाई संवाद र सहमतिको बाटोमा ल्याउन काम गरेको छ’, उही प्रधानमन्त्रीलाई विश्वासको मतमा रोक्नु भयो, मलाई अवरोध गर्नुभयो।’

प्रचण्डले कांग्रेसको आजको गतिविधि इतिहासमा कलंकका रुपमा रहने बताए । ‘तपाईंहरूको यो गतिविधि नेपालको इतिहासमा कलंकका रुपमा रहनेछ’, उनले भने, ‘तपाईंहरूलाई यसको चर्को मूल्य पर्ने छ । तपाईंहरूको गतिविधिको मूल्य एक दिन चुकाउनुपर्ने छ ।’