एसकेबीसी तेक्वान्दो डोजाङको आयोजनामा प्रथम बागमती प्रदेश आमन्त्रण तेक्वान्दो प्रतियोगिता आजदेखि हुने भएको छ ।
प्रतियोगितामा ग्योरोगीमा २८ र पुम्सेमा ४ गरी जम्मा ३२ स्वर्णका लागि प्रतिस्पर्धा हुने एसकेबीसीका प्रमुख रन्जितबहादुर डगौराले बिहीबार आयोजित पत्रकार सम्मेलन जानकारी गराए ।
प्रतियोगितामा बागमती प्रदेशका ३५ डोजाङ करिब ५ सय खेलाडीको सहभागिता रहने आयोजकले जनाएको छ । शीर्ष तीन स्थानमा रहने टिम तथा उत्कृष्ट खेलाडीलाई नगद पुरस्कार प्रदान गरिने छ । दुईदिने प्रतियोगिताका खेलहरु टोखा नगरपालिकास्थित श्री समाजको भवनमा हुनेछ ।
