काठमाडौं । नेपाल कम्युनिस्ट पार्टी (एमाले)को सचिवालय बैठक ललितपुरमा सुरु भएको छ ।
च्यासलस्थित पार्टी केन्द्रीय कार्यालयमा सुरु भएको बैठकमा नयाँ सत्ता समीकरणबारे नेतृत्वले ब्रिफिङ गर्ने प्रचार विभाग प्रमुख राजेन्द्र गौतमले बताए ।
आजको बैठकमा अध्यक्ष केपी शर्मा ओलीले सरकार परिवर्तनका लागि गरेको निर्णयबारे ब्रिफिङ गर्ने गौतमले बताएका छन् ।
सोमबार राति ओली र नेपाली कांग्रेसका सभापति शेरबहादुर देउवाबीच नयाँ सरकार र सत्ता समीकरणबारेमा हस्ताक्षर भइसकेको छ ।
