काठमाडौं । साताको पहिलो नेपाल स्टक एक्सचेञ्ज (नेप्से) २.६८ प्रतिशतले घटेको छ । आइतबार नेप्से ७९.८८ अंकले घटेर २८९४.५७ विन्दुमा पुगेको छ ।
नेप्सेमा करिब ८० अंकले ओरालोलागेसँगै समूहमा पनि पहिरो गएको छ । लघुवित्त बाहेक अन्य १२ वटा समूह सबै राताम्य रहेको छ । आज सबैभन्दा बढी घटेर इन्भोष्टमेन्ट समूह ३.८३ प्रतिशतले घटेर ११६.१५ विन्दुमा पुगेको छ ।
लघुवित्त समूह भने १.०८ प्रीतशतले बढेर ५४३०.६२ विन्दुमा पुगेको छ । त्यस्तै वाणिज्य बैंक ३.३१ प्रतिशतले, विकास बैंक २.४४ प्रतिशतले, होलट एण्ड टुरिजम २.३८ प्रतिशतले, हाइड्रो ३.०४ प्रतिशतले, प्रतिशतले, फाइनान्स समूह ३.५० प्रतिशतले, जिवन बीमा २.५० प्रतिशतले, उत्पादन तथा प्रशोधन १.५० प्रतिशतले, म्यूचअल फण्ड १.५९ प्रतिशतले, निर्जीवन बीमा २.३२ प्रतिशतले र अन्य समूह ३.५५ प्रतिशतले घटेको छ ।
प्रि ओपन शेसनमा साढे १२ अंकले बढेर सुरु भएको बजार बजार खुलेपछि निरन्तर ओरालो लागेको थियो । ६ पटक बजार तलबाट माथि उठ्न खोजे पनि विक्री कर्ता हाबी भएकाले बजार भने माथि जान सकेन ।
आज नेप्से सूचांक न्यूनतम २८८५.३९ विन्दु पुग्यो भने उच्चतम २९९०.०४ विन्दु सम्म पुग्यो । तर बजार बन्द हुँदा भने २८९४.५७ विन्दु मात्र कायम भयो । दिनभर बजारमा उतारचढाव हुँदा १९ अर्ब ७४ करोड ५ लाख ९३ हजार रुपैयाँको कारोबार भयो ।
आज दिनभरमा ४ करोड २६ लाख ८६ हजार ६४० कित्ता शेयर २ लाख १८ हजार ५७८ पटक किनबेच भयो । आज ३३३ वटा कम्पनीको शेयर कारोबार हुँदा ६० कम्पनीको शेयर मूल्य बढ्यो भने १८४ वटा कम्पनीको शेयर मूल्य घट्यो ।
