कपिलवस्तु । सुर्खेतबाट चितवनको नारायणघाटतर्फ गइरहेको एउटा यात्रु बस कपिलवस्तुमा दुर्घटनाग्रस्त भएको छ ।
तीव्र गतिमा रहेको लु २ ख १५९८ नम्बरको बस शिवराज नगरपालिका-१ बनकसबासामा दुर्घटनाग्रस्त हुँदा २६ जना घाइते भएका छन् ।
जिल्ला प्रहरी कार्यालय कपिलवस्तुका प्रहरी नायव उपरीक्षक हरिबहादुर वलीका अनुसार सुर्खेतबाट नारायणघाट जाँदै गरेको बनकसबासामा दुर्घटना भएको हो ।
दुर्घटनामा बसमा सवार २६ जना यात्रु घाइते भएको उनले बताएका छन् ।
