आइडियल मोडेलको जित

आइडियल मोडेलले ३० औं ज्ञान कार्निभल अन्तरविद्यालय बास्केटबल प्रतियोगिताको ब्वाइजमा आइतबार जित हात पारेको  छ ।

खोकनास्थित आयोजक ज्ञानोदय बालवाटिकाको कोर्टमा भएको खेलमा आइडियल मोडलले चाँदबागलाई ४५–२५ ले पराजित ग¥यो । आइडियल मोडेलका लागि नेल्सन श्रेष्ठले १६ स्कोर गरे ।

ब्वाइजमै रातो बंगलाले लिटिल एन्जल्सलाई ३६–३२, पाठशाला, बागडोलले मल्पी सिटीलाई २१–१८ र मोर्डन इन्डियन स्कुल (एमआईएस) ले जेम्सलाई २३–१५ ले हराए । रातो बंगलाका उन्नव अर्यालले १३, पाठशालाका अर्नव महर्जनले ८ र एमआईएसका यथार्थ श्रेष्ठले १४ अंक जोडे ।

गल्र्समा एनसीसीएसले एमआईएसलाई २९–१६, पाठशाला, बागडोलले लिटिल एन्जल्सलाई १४–४ र रिब्सले स्वर्णिमलाई १७–१५ ले पाखा लगाए । एनसीसीएसकी दिवा महर्जनले ११, पाठशालाकी समृद्धि श्रेष्ठले ३ र रिब्सकी सुजिना लामाले ७ अंक जोडे ।