एमाले जागरण सभा : १२ बजे शहीद गेटबाट जुलुस हिँड्ने, प्रधानमन्त्री ओलीले २ बजेपछि सम्बोधन गर्ने

काठमाडौं । सत्तारुढ दल नेकपा एमालेले आज राजधानीमा शक्ति प्रदर्शन गर्दैछ । जागरण सभा भनिएको सो कार्यक्रममा २ बजेपछि एमाले अध्यक्ष केपी शर्मा ओलीले सम्बोधन गर्ने भएका छन् ।

१२ बजे शहीद गेटबाट जुलुस हिँड्ने तयारी भएको युवा संघका प्रवक्ता निरोज पौडेलको भनाइ छ ।

‘१२ बजे शहीद गेटबाट जुलुस सुरु भएर दरबारमार्गमा आउँदा १ बज्छ । त्यसपछि उद्‌घाटन कार्यक्रम सुरु हुन्छ । पौडेलले भने, ‘एमाले अध्यक्ष तथा प्रधानमन्त्री ज्यूले सम्बोधन गर्ने तालिका २ बजे पछाडि छ ।’

सभामा ओलीपछि र महासचिव शंकर पोखरेलले सम्बोधन गर्ने तालिका रहेको छ । यस्तै अन्य नेताहरू पनि बोल्ने छन् । अहिले कार्यक्रम स्तर दरबारमार्गमा कार्यकर्ताको हल्का चहलपहल छ ।