काठमाडौं । पेस्तोलसहित एक युवकलाई कपिलबस्तु प्रहरीले पक्राउ गरेको छ ।
पक्राउ पर्नेमा कपिलवस्तुको मायादेवी गाउँपालिका-६ डुमराका २१ वर्षीय सद्दाम हुसेन फकिर छन् । उनलाई सोमबार साढे ५ बजे इलाका प्रहरी कार्यालय पकडीबाट खटिएको टोलीले पक्राउ गरेको हो ।
मोटरसाइकल चोरी गर्न लागेको भन्ने सूचना स्थानीयबाट आएपछि खटिएको टोलीले भाग्दै गर्दा उनलाई नियन्त्रणमा लिएको थियो ।
उनको साथबाट कालो रंगको ४.५ मिटर क्यालिवर भएको पेस्तोल एक थान बरामद भएको छ । पेस्तोलमा लाग्ने ४३ थान छर्रा र पेस्तोलमा प्रयोग हुने धमाका ६ थान बरामद भएको छ ।
