चर्चित टिकटकर आयुष र एलिजेको टिकटक एकाउन्ट गायब !

काठमाडौं । चर्चित टिकटकर आयुषसिंह ठकुुरी र एलिजे जमाली टिकटकबाट गायब भएका छन् । उनीहरुको आधिकारिक टिकटक खाता अहिले देखिँदैन ।

पारिवारिक विवादका कारण ‘मास रिपोर्ट’ भएपछि यी दुवैजनाको करोडौं लाइक भएका एकाउन्टलाई टिकटकले प्रतिबन्ध गरिदिएको हो ।

यी दुईजनाले आयुषकी आमाबारे दिएका अभिव्यक्तिका कारण चर्को आलोचना भइरहेको थियो । त्यही आलोचनाबीच उनीहरूका दुवै एकाउन्ट ‘मास रिपोर्ट’हुँदा टिकटकबाट हराएका हुन् ।

प्रतिबन्धमा परेकामध्ये एलिजेको एकाउन्टलाई २२ लाखले फलो गरेका थिए । जुन एकाउन्टमा करोडौंले लाइक गरेका थिए ।

विवाद र आलोचनाबीच ट्रोल भइरहेका यी जोडीका एकाउन्ट सोमबारदेखि टिकटकबाट गायब भएको छ । अछामका आयुष र पाकिस्तानकी एलिजेबीच टिकटक लाइभबाट माया बसेको थियो । यी दुईले बिहे गर्ने निर्णयसहित इन्गेजमेन्ट गरी सकेका छन् ।