कुसुन्तीको जित

आयोजक श्री कुसुन्ती युवा क्लब ‘बी’ ले दोश्रो ललितपुर मेयर कप भेट्रान फुटबल प्रतियोगितामा बुधबार जित हात पारेको छ ।
कुसुन्ती ‘बी’ ले झमेल रक्सलाई ५–१ को फराकिलो गोलअन्तराले पराजित ग¥यो । विजयी टिमका लागि सविनबाघ श्रेष्ठले ४ तथा विकास कार्कीले १ गोल गरे । झमेलका सागर घिमिरेले १ गोल फर्काए ।

चावहिल भेट्रानले ओखद भेट्रानलाई ५–१ ले नै हरायो । चावहिलका रुपेश केसीले २ तथा सन्तोष लिम्बू, अजब श्रेष्ठ र विक्रम कार्कीले समान १–१ गोल गरे । बौद्ध भेट्रानले कपन भेट्रानलाई १–० गोलले पाखा लगायो । बौद्धका अमिर लामाले निर्णायक गोल गरे ।

टाइब्रेकरमा जित हात पारेका एफसी सिलिङ हेटौंडा भेट्रानले जेभियर्स भेट्रान तथा बूढानीलकण्ठ भेट्रानले ह्याप्पी एफसी भेट्रानलाई पन्छाए ।