काठमाडौं । बुढानीलकण्ठ नगरपालिका वडा नम्बर १० स्थित बालउद्वार माध्यमिक विद्यालयले रिक्त रहेको नि.मा.वि. तहको गणित/बिज्ञान विषयको १ जना शिक्षकको सरुवा दरबन्दी माग गरेको छ ।
विद्यालयले सरुवाको प्रक्रिया अगाडि बढाइदिन बुढानीलकण्ठ नगरपालिकालाई गरेको अनुरोध पत्र अन्तर्गत रहेर नगरपालिकाले सूचना जारी गरेको छ । जसका लागि सम्बन्धित तहको योग्यता पुगेका स्थायी शिक्षकहरुबाट सूचना प्रकाशित भएको मितिले पन्ध्र दिनभित्र शिक्षा नियमावलीको अनुसूची १७ बमोजिमको ढाँचामा सम्बन्धित विद्यालय, स्थानीय तह र शिक्षा विकास तथा समन्वय इकाइको सहमतिसहित सम्बन्धित विद्यालयमा निवेदन दिन शिक्षक
सरुवा सम्बन्धी निर्देशिका २०८१ को दफा ९ बमोजिम हुनुपर्नेछ ।
तोकिएको म्यादभित्र विद्यालयको इमेल [email protected] मार्फत समेत निवेदन पेश गर्न सकिनेछ भने म्याद नाघीए वा तोकिए बमोजिमको रित नपुगेका निवेदन माथि कुनै कारवाही नहुने समेत सूचनामा उल्लेख गरिएको छ ।
बुढानीलकण्ठ नगरपालिकाद्वारा जारी सूचना :
