बूढानीलकण्ठ फाइट नाइट हुने

बूढानीलकण्ठ हात्तीगौडा स्पोर्ट्स कमिटीको आयोजनामा बूढानीलकण्ठ फाइट नाइट बैशाख २० गते हुने भएको छ ।

प्रतियोगितामा विभिन्न १० तौलसमूहमा नेपालसहित ३ राष्ट्रका २० खेलाडी ‘वान भर्सेस वन’ फम्र्याटमा प्रतिस्पर्धा गर्ने आयोजक कमिटीका अध्यक्ष निलम अधिकारीले जनाएका छन् । नेपालबाट सर्वाधिक १३ खेलाडी सहभागी हुने छन् । भारतबाट ६ र थाइल्यान्डबाट १ खेलाडीले चुनौती प्रस्तुत गर्ने छन् । पुरुषमा ७ र महिलामा ३ स्पर्धामा भिडन्त हुनेछ ।

गलाक द लाइफ स्टायलको व्यवस्थापनमा हुने प्रतियोगिताको कुल पुरस्कार राशी ६ लाख रुपैयाँ रहेको छ । नेपाल राष्ट्रिय मुवाँथाईं संघको प्रावधिक सहयोगमा हुने प्रतियोगिताका खेलहरु हात्तीगौडामा हुनेछ ।

नेपालमा पनि मुवाँथाईं खेललाई व्यवसायिक बनाउने उद्देश्यले प्रतियोगिता आयोजना गर्न लागिएको नेपाल राष्ट्रिय मुवाँथाईं संघका अध्यक्ष गणेशलाल कक्षपतिले जनाएका छन् ।